Nokia ֆիննական ընկերության մաքուր եկամուտը, ըստ ֆինանսական հաշվետվության միջազգային ստանդարտների (ՖՀՄՍ), 2010 թ. աճել է 5 անգամ` հասնելով 1,34 մլրդ եվրոյի: Այսօր այս մասին հայտնել են ընկերությունում: Այդ եկամուտի կեսից ավելին ընկերությունը ստացել է տարվա վերջին երեք ամիսների ընթացքում:
Այսպես, IV եռամսյակում բջջային հեռախոսների աշխարհում խոշորագույն արտադրողն աշխատել է 742 մլն եվրո, որը 16 %-ով քիչ է 2009 թ. հոկտեմբեր-դեկտեմբեր ամիսների ցուցանիշից: Սակայն, այնուամենայնիվ եկամուտն աճել է` հասնելով 12,65 մլրդ եվրոյի (5,5 %) չնայած այն հանգամանքին, որ բջջային հեռախոսների վաճառքն ընկել է:
2010 թ. վերջին 3 ամիսների ընթացքում Nokia-ն արտադրել է 123,7 մլն հատ բջջային հեռախոս, սմարթֆոն: Այն տարեկան կտրվածքով քիչ է 3%-ով, իսկ եռամսյակային կտրվածքով ավելի է 12%ով:
Nokia ընկերությունում հայտնել են, որ նրա տեսակարար կշիռը շուկայում 2009 թ. 34%-ից ընկել է` հասնելով 32%-ի, և զգուշացրել են, որ 2011 թ. առաջին եռամսյակի արդյունքները հազիվ թե տպավորիչ լինեն ընկերության համար:
Nokia ընկերությունը համարվում է աշխարհում բջջային տեխնոլոգիաների բնագավառում առաջատարներից մեկը: Ընկերությունը զբաղվում է բջջային սարքերի արտադրությամբ և բջջային ու գրպանի համակարգիչների համար ծրագրերի ապահովմամբ: