Միջուկային էներգիայի միջազգային գործակալության (ՄԱԳԱՏԷ) նախկին ղեկավար Մուհամադ Ալ-Բարադեյը, որը վերադարձել է Եգիպտոս և աջակցում է ընդդիմությանը, հայտարարել է, որ իշխանությունները բան չունեն պատասխանելու ժողովրդի բողոքներին: «Ես գալիս եմ Եգիպտոս և դուրս եմ գալու փողոց, քանի որ ես ընտրություն չունեմ: Ես միանում եմ զանգվածներին, որոնք հույս ունեն, որ երկրում իրավիճակը կբարելավվի, սակայն ինձ թվում է, որ իշխանությունները դեռ չեն հասկացել, թե ինչ են իրենց ասում ցուցարարները»,- նշել է Ալ-Բարադեյը:
«Ապրիլի 6» շարժումը և «Քիֆայա» («Բավական է») ընդդիմադիր կուսակցությունը դիմավորել են Ալ-Բարդեյին օդանավակայանում, երբ նա վերադարձել է Եգիպտոս: Ենթադրվում է, որ Ալ-Բարադեյն իր թեկնածությունը կդնի առաջիկա նախագահական ընտրությունների ժամանակ, եթե մինչև այդ երկրում իշխանափոխություն չլինի: Թեպետ ամեն ինչ գնում է դրան, և հայտնի է, որ վաղը` ուրբաթօրյա աղոթքից հետո ընդդիմությունը խոստացել է փողոցներ հանել միլիոնավոր բողոքավորների: