Քաղաքացիական հասարակության ինստիտուտ հկ-ի նախաձեռնությանշրջանակներում շտապ օգնության շրջիկ մեքենաները քիչ առաջ գտնվեցին Գյումրիի 35/31 ընտրատեղամասում: Նշենք, որ մեր այնտեղ եղած ժամանակ խախտման և ոչ մի դեպք չգրանցվեց: Ընտրատեղամասի հանձնաժողովի նախագահ Արմեն Գաբրիելյանն էլ փաստեց, որ ընտրատեղամասը բացվելուց անմիջապես հետո ընտրողների կողմից գրանցվել է մեծ ակտիվություն, սակայն խախտման և ոչ մի դեպք չի նկատվել. «Ողջ ընթացքում չի գրանցվել ոչ մի միջադեպ և խախտման ոչ մի դեպք: Չեն եղել նաև այնպիսի ընտրողներ, ովքեր գրանցված չեն եղել ցուցակներում»: Այս մասին փաստեցին նաև ՕԵԿ և ՀԱԿ վստահված անձինք:
Ընտրությունների ավարտին մնացել է կես ժամ, հանձնաժողովի նախագահի հավաստմամբ ցուցակագրված անձանցից` 1850-ից մասնակցել են 705-ը:
34/23 ընտրատարածքում նույնպես չնկատվեց որևէ խախտում: Միայն հաճախ կրկնվում էին կուտակումները, որոնք դիտորդ մարմնի միջնորդությամբ կարգավորվում էին:
Այս ընտրատեղամասի հանձնաժողովի նախագահ Վահան Բերդիկյանը նշեց, որ լուրջ խախտումներ չեն գրանցվել. «Պարզապես եղել է մի քանի դեպք, երբ ընտրողների անունները բացակայել են ցուցակներից, սակայն օպերատիվ կերպով լուծվել է այդ հարցը, և ընտրողներին ուղարկել ենք այն ընտրատեղամաս, որտեղ իրենք գրանցված էին»:
