ԱՄՆ Ազգային արխիվի պահոցներից կորել են գաղտնի նյութեր պարունակող մի քանի տասնյակ տուփեր: Այս մասին հաղորդել է Washington Times-ը:
Կորուստը բացահայտվել է Վաշինգտոնի արվարձանում գտնվող արխիվի պահոցներից մեկում:
Թերթի տեղեկատվության համաձայն` կորած տուփերում եղել է չորս տուփ` «խիստ գաղտնի» մակագրությամբ, որոնցում ԱՄՆ պաշտպանության նախարարի համակարգի և այլ BMC ստորաբաժանումների գաղտնի նյութեր են:
Washington Times-ի ներկայացմամբ` գաղտնի նյութերի պահպանման խնդիրը բացահայտվել է երեք տարի շարունակվող հետաքննությունից հետո, որն իրականացրել է ԱՄՆ Ազգային արխիվի գլխավոր տեսուչը:
Ազգային արխիվի ներկայացուցիչները հայտարարել են, որ համագործակցում են քննիչների հետ, միաժամանակ պնդելով, որ տուփերը չեն գողացվել, խնդիրը կապված է գույքացուցակներում «սխալ տվյալների հետ»:
ԱՄՆ Ազգային արխիվում ընդհանուր առմամբ պահվում է տեքստային փաստաթղթերի մոտ 10 միլիարդ էջ, 12 միլիոն աշխարհագրական քարտեզ, 25 միլիոն լուսանկար և գրաֆիկական պատկեր, 400 հազար տեսահոլովակ և ձայնագրություն, 133 տերաբայթ էլեկտրոնային տվյալներ: