Թիվ 13/09 ընտրատեղամասում բավական լարված իրավիճակ է. նախ, ներսում գտնվող քաղաքացիների թիվը գերազանցում է 25-ը, և հետո, ընտրողները համատարած գանգատվում են տեսողության խնդիրներից ու պահանջում, որպեսզի իրենց քվեախցիկ ուղեկցեն թոռները։
Հետաքրքրականն այն է, որ մի քանի տասնյակ տարեց մարդկանց այսպես կոչված «թոռները» նույն անձինք են։
Ընտրատեղամասի հանձնաժողովի անդամը խիստ ագրեսիվ է տրամադրված լրագրողների նկատմամբ և անընդհատ գոռգոռալով՝ փորձում է հոգեբանական ճնշում գործադրել նաև վստահված անձանց ու դիտորդների վրա։
