Ստավրոպոլի բնակիչ Ռազդոբուդկոն, որի տվյալները ուղարկվել են մարզային ոստիկանության քաղաքային բոլոր ոստիկանական բաժիններ, քանի որ նա մեղադրվում է Մոսկվայի «Դոմոդեդովո» օդանավակայանում տեղի ունեցած ահաբեկչական գործողության մեջ, 2010թ.-ի հոկտեմբերից կնոջ հետ համարվում է անհայտ կորած, հինգշաբթի օրը РИА-Новости գործակալությանը հայտնել է իրավապահ մարմիններում այդ շրջանի աղբյուրը:
«Հոկտեմբեր ամսից կնոջ հետ անհայտ կորած են համարվում», – ասել է գործակալության զրուցակիցը: Նրա խոսքերով, Ռազդոբուդկոյի կորելու մասին լուրը ոստիկանություն են հայտնել նրա ծնողները: Ավելի վաղ նա բնակվել է Ստավրոպոլի Նեֆտեկումսկ շրջանում:
Նեֆտեկումսկի շրջանը գտնվում է Ստավրոպոլի արևելքում, որը սահմանակից է Դաղստանին:
Առեղծվածային այս պատմությունը հետաքրքրել է իրավապահներին, քանի որ անհայտ կորածին ահաբեկչության օրը, փաստորեն, տեսել են «Դոմոդեդովո» օդանավակայանում:
Միաժամանակ, Interfax-ի աղբյուրները հայտնել են, որ կազմված ֆոտո-ռոբոտն ամենևին էլ նման չէ Ռազդոբուդկոյին: