Ի պատասխան «Առաջին լրատվական»-ի հարցման` կապված ընտրատեղամասերում անձնագրի վրա դրվող կնիքի հեշտությամբ ջնջվելուն, ԿԸՀ-ից պատասխանեցին, որ խնդրի առնչությամբ տեղեկացվել է նաև ԿԸՀ նախագահ Տիգրան Մուկուչյանին: ԿԸՀ-ի պարզաբանումն է` որոշ ընտրատեղամասերում սրվակները լավ չեն թափահարել, որի պատճառով էլ դրոշմը շուտ ցնդել է: Մեր հարցմանն ի պատասխան հայտնեցին նաև, որ ԿԸՀ նախագահի և վերադաս հանձաժողովների կողմից արդեն համապատասխան հրահանգ է իջեցվել, որպեսզի սրվակները լավ թափահարեն`առանց դադարեցնելու քվեարկությունը:
Քիչ առաջ տեղեկացրել էինք Facebook սոցիալական ցանցում էլ օգտատերերն այդ խնդրի խնդրի առնչությամբ շարունակում են ահազանգել ոչ միայն մայրաքաղաքից, այլև Գյումրուց, Վանաձորից և այլ մարզերից:
Գյումրի 34/7, թիվ 18 նախակրթարանի շենքում կնիքները ցնդում են անձնագրերի միջից: ԿԸՀ-ից պատասխանել են շարունակեք` դա ձեր խնդիրը չէ:
Ժամը 9:00 ԿԸՀ-ից հանձնարարել են թանաքը փոխարինել սովորական թանաքով:
Գյումրի 34/8, թիվ 37 դպրոցի շենքում` 08:25-ին` կնիքը վերացել է 20 րոպեից:
Գյումրի 34/18, թիվ 4 դպրոցի շենքում` 08:40-ին կնիքները ցնդում են անձնագրերից, հանձնաժողովը որոշել է դադարեցնել ընտրությունները: ԿԸՀ-ից 08:50-ին հանձնարարել են շարունակել քվեարկությունը, անկախ այն հանգամանքից, որ դրոշմը ցնդում է: Մինչ այդ 20 րոպեով հանձնաժողովի որոշմամբ քվեարկությունը դադարեցված է եղել:
