MIGnews.com-ը, հղում անելով համաարաբական «Ալ-Արաբիա» հեռուստաալիքին, Ուսամա Բեն Լադենի` Պակիստանի Աբոտաբատ քաղաքում գտնվող տան սեփականատերը զբոսաշրջիկներին առաջարկում է գնել տան աղյուսները՝ որպես հուշանվեր:
«Աղյուսի տեսքով հուշանվերները հետաքրքրում են զբոսաշրջիկներին: Ինձ մոտ 200 հազար հատ աղյուս կա: Դա բավական է տուն կառուցելու համար»,-վստահեցնում է տան սեփականատեր Շակել Ահմադը:
Ահմադը ժամանակ առ ժամանակ սպառնալիքներ է ստանում «Ալ-Կաիդա»–ից և այժմ ստիպված է օգտվել թիկնապահների ծառայությունից և նախանձելի համառությամբ շարունակում է վաճառել աղյուսները` յուրաքանչյուրը 10 դոլարով:
Հիշեցնենք, որ այս տարվա փետրվարին Պակիստանի անվտանգության ուժերը քանդեցին Բեն Լադենի տունը և փորձեցին այն մաս-մաս վաճառել, ինչը նրանց չհաջողվեց: Ավելի ուշ այն 5000 դոլարով գնեց պակիստանցի Շակել Ահմադը:
«Ալ-Կաիդա»–ի առաջնորդն ամերիկյան հատուկ ծառայությունների գաղտնի օպերացիայի արդյունքում սպանվեց 2011-ի մայիսի 2-ին:
