Մ.Եղիազարյան. Ամենակարևորն այն է, որ հայոց բանակում տիրի օրենքի ուժը

Հայոց բանակի օրվան նվիրված ասուլիսի ընթացքում ազատամարտիկ,«Արաբո ջոկատի» հրամանատար Մանվել Եղիազարյանը նշեց,որ այսօր ամենակարևորը հայոց բանակում օրենքի ուժը տիրի:Նա ցավ հայտնեց բանակում տեղի ունեցող երևույթների համար, սակայն միևնույն ժամանակ նշեց,որ այդ ամենը կապված է մեր հասարակության հետ: «Այսօր հայը հայի համար չի ցավում, մենք հանդուրժող չենք միմյանց նկատմամբ, իսկ բանակում ծառայում է այս հասարակության անդամ երիտասարդը, որը այդ հասարակության լավն ու վատը տանում է զորամաս և խրամատներ»: Եղիազարյանը նշեց,որ պետք է հայրենասիրության ոգին բարձրացնել:Նրա խոսքերով, Ղարաբաղյան պատերազմում մենք հաղթեցինք, քանզի Ռուսաստանում կանաչի վաճառող մարդն անգամ խոսում էր Ղարաբաղի մասին և ամեն ինչ անում էր պատերազմի դաշտում գտնվողներին օգնելու համար: