Նյու Յորքում բացվել է Կուրտ Քոբեյնի այրու` Քորթնի Լավի նկարների անհատական դեբյուտային ցուցադրությունը: Այս մասին հայտնում է Flavorwire-ը:
«Եվ նա նույնիսկ գեղեցիկ չէ» (And She’s Not Even Pretty) անվանումով ցուցադրությունը բացվել է Fred Torres Collaborations ցուցասրահում:
Հաճախորդները երգչուհու ու դերասանուհու աշխատանքներին հնարավորություն են ստացել ծանոթանալու մայիսի 3-ին: Ցուցահանդեսը բաց կլինի մինչև հունիսի 15-ը:
Լավի առաջին ցուցադրությանը հնարավոր է տեսնել մի քանի տասնյակ նկարներ` նկարված ջրաներկով, գունավոր ու գրաֆիտե մատիտներով:
Բացի այս` And She’s Not Even Pretty-ում ցուցադրված է նաև հարսանեկան զգեստը Ջոն Գալյանոյից: Ենթադրաբար, այդ հագուստը Քորթնին պատրաստվում էր կրել իր արդեն նախկին ընկեր` դերասան Էդվարդ Նորթոնի հետ ամուսնական արարողությանը, որն այդպես էլ տեղի չի ունեցել: Քորթնիի լուսանկարներում պատկերված են շիկահեր մազերով կանայք` հաճախ մերկ ու արյունածոր վերքերով: Շատ լուսանկարներ վերնագրված են Hole, Nirvana ու Smashing Pumpkins խմբերի տեքստերից հանված տողերով:
