Նորաձևության Vogue ամսագրի տարբեր երկրների 19 հրատարակիչներ խոստացել են աշխատել բացառապես միայն «առողջ արտաքին տեսքով» մոդելների հետ՝ հույս ունենալով նման ձևով իրենց ներդրումն ունենալ բուլիմիայի և անորեքսիայի դեմ պայքարում:
«Vogue-ը համոզված է, որ լավ առողջությունը գեղեցիկ է: Մենք այլևս չենք աշխատի 16 տարեկաանից ցածր մոդելների կամ նրանց հետ, ում մոտ սնունդ ընդունելու հետ կապված խանգարումներ կհայտնաբերվեն»,- ասել է պարբերականի սեփականատեր Condé Nast հոլդինգի ներկայացուցիչ Ջոնաթան Նյուհաուսը:
Մոդելներին ընտրելու ծառայության աշխատակիցներն այսուհետ պարտավոր կլինեն նախքան ֆոտոշարքը ստուգել մոդելների փաստաթղթերը:
Նախկին մոդել Սառա Ցիֆը հայտարարել է, որ Vogue-ի համար նման բանաձևը մեկ քայլ առաջ է, քանի որ նախկինում պարբերականը մշտապես աշխատում էր անչափահասների հետ:
2009 թ. ամսագրի բրիտանական տարբերակի ղեկավար Ալեքսանդրա Շուլմանը քննադատել էր նորաձևության տներին պրոֆիլային պարբերականներին նորմալ մոդելների համար չափազանց նեղ հագուստ ուղարկելու համար:
