Ռուսական Интерфакс լրատվական գործակալության փոխանցմամբ՝ Իրանի ղեկավարությունը կարող է պատասխան միջոցներ ձեռնարկել՝ կապված Թեհրանում Կանադայի դեսպանատան վիզային բաժնի փակման հետ: Այս մասին հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը.
«Նրանք հայտարարել են, որ նման քայլի են գնացել ծախսերի կրճատման համար: Սակայն մենք ուշադիր հետևելու ենք նրանց յուրաքանչյուր գործողություններին, որոնք անհարմարություններ են պատճառում մեր քաղաքացիներին: Եթե մեկը գործում է ի վնաս մեր ազգային շահերի, ապա մենք ձեռնարկում ենք պատասխան միջոցներ»:
Հիշեցնենք, որ վիզային բաժնի փակումը հարուցել էր մի քանի հազար իրանցիների դժգոհությունը, որոնք պատրաստվում էին հայտ ներկայացնել՝ կանադական վիզա ստանալու համար:
