Անցած հանգստյան օրերին Ֆրանսիայի հարավ-արևելքում անհայտ բարբարոսները պղծել են մի քանի մուսուլման զինվորների գերեզմանները: Այս մասին տեղեկացնում է mignews.com-ը:
Ֆրանսիայի նախագահ Նիկոլա Սարկոզին հայտարարել է, որ վանդալիզմի այդ ակտը «բիծ է երկրի պատմության վրա»:
Արևմտյան Եվրոպայում ամենամեծ թվով մուսուլման բնակչությունը` ավելի քան 5 մլն, ներկայում ապրում է Ֆրանսիայում:
Մարտի կեսին ծագումով Ալժիրից «թուլուզյան հրաձիգ» Մուհամմեդ Մերայի կողմից 7 մարդու սպանության փաստը հասարակության մեջ ավելի է ուժեղացրել ֆրանսիական հասարակությանը մուսուլմանների ինտեգրման վերաբերյալ քննարկումները:
Զինվորականների գերեզմանը պղծելու կապակցությամբ Սարկոզին իր վրդովմունքն է արտահայտել` դա համարելով ֆրանսիական «պատմությանը հասցված լրջագույն վիրավորանք»:
