Հեռահաղորդակցության հայկական երեք օպերատորներից մեկի` Orange-ի ձայնային և ինտերնետ ծառայություններն արդեն հասանելի են Հայաստանի բնակչության 95%-ի համար:
Ըստ ընկերության տարածած մամուլի հաղորդագրության` ցանցի ընդլայնման վերջին աշխատանքների շնորհիվ Orange-ի ծառայությունները` ներառյալ շարժական ինտերնետը, արդեն հասանելի են բազմաթիվ փոքր բնակավայրերում, հատկապես` Շիրակի, Լոռու, Տավուշի, Արագածոտնի, Սյունիքի մարզերում: Ցանցի ուժեղացման և ընդլայնման աշխատանքներ են կատարվել նաև Հայաստանի հյուսիսային և հարավային ավտոմայրուղիների վրա:
Սա, Orange-ի գլխավոր տնօրեն Բրունո Դյութուայի կարծիքով, իրենց ամենակարևոր նպատակներից ու ձեռքբերումներից է, որի նպատակն է ինչպես առավելագույն հարմարավետություն ապահովել ներկա բաժանորդների համար, այնպես էլ նոր ընտրություն առաջարկել նոր հաճախորդների:
