Թուրքական Akşam թերթի փոխանցմամբ՝ Թուրքիայի ջրային հարցերի ու անտառների նախարարությունը զեկույց է պատրաստել երկրի ջրային պաշարների մասին: Դրանում նշված է, որ Թուրքիան ջրային պաշարների առումով հարուստ երկիր չէ, և արդեն 2030 թվականին կարող է բախվել ջրի պակասի խնդրին:
Թուրքիայում վերգետնյա ու ստորգետնյա ջրերի տարեկան միջին պոտենցիալը կազմում է 110 միլիարդ խորանարդ մետր, ինչը նշանակում է, որ երկրի յուրաքանչյուր բնակչին տարեկան բաժին է ընկնում մոը 1500 խորանարդ մետր ջուր:
Մինչդեռ ջրային պաշարներով հարուստ երկրներում պատկերը միանգամայն այլ է: Օրինակ, ԱՄՆ-ում, Կանադայում ու Արևմտյան Եվրոպայի երկրներում մեկ շնչին բաժին ընկնող ջրի տարեկան միջին ցուցանիշը կազմում է 10,000 խորանարդ մետր:
