«Երևանի Կոմիտասի այգում գտնվող դելֆինարիումը կարող է վարակի աղբյուր հանդիսանալ»¸- այս մասին Առաջին լրատավականին հայտնեց «Թռչնասերների կենտրոն» ՀԿ նախագահ Սիլվա Ադամյանը:
Տիկին Ադամյանը ուշուդրություն հրավիրեց այն հանգամանքի վրա¸ որ օրերս երբ Արմենիա հեռուստաընկերության լրագրողը գնացել էր դելֆինարիում և փորձել էր պարզել¸ թե արդյոք այնտեղի ջուրը ֆիլտրացիայի ենթարկվում է¸ լրագրողին թույլ չէին տվել նկարահանումներ անել: «Ուրմեն չկա¸ որ թույլ չեն տալիս: Դա փաստորեն մի ջուր է¸ որն ըստ երևույթին բաց է թողնվում կոյուղի և ֆիլտրացիոն ապարատներ չկան¸ որովհետև դրանք բավական թանկ սարքավորումներ են և չեմ կարծում¸ որ նման կառույցը նման թանկ բան իրեն թույլ կտա»¸- նշեց «Թռչնասերների կենտրոն» ՀԿ նախագահը: Ջուրն այնտեղ¸ Սիվա Ադամյանի համոզմամբ¸ ինչ-որ գաղտնի ձևով մտնում է կոյուղի¸ինչի մասին բնապահպանները մինչ այժմ ահազանգում էին:
Ասել¸ որ հիմա դելֆինարիումում վարակ կա, ՀԿ նախագահն առայժմ չի պատրաստվում¸ քանի որ չկա որևէ հետազոտություն¸ սակայն այն բանում¸ որ վաղ թե ուշ այդ վարակներն ի հայտ կգան¸ Սիլվա Ադամյանը չի կասկածում:
«Դելֆիններին հատուկ են որոշակի վարակներ¸ դե իսկ քանի որ ջուրը փակ վիճակում է ու ֆիլտրացիայի չի ենթարկվում¸ ջրի միջոցով այդ վարակները կարող են հանգիստ անցնել մարդկանց: Որովայնի վարակ կարող է լինի¸ ընդհանուր վարակումներ¸ որոնց մասին ես չեմ էլ ուզում խոսել¸ բայց որ այդ վտանգը կա¸ դա միանշանակ է: Նրանց հետ լողալն էլ նման տարածքում վտանգավոր է: Խոսքը ոչ թե օվկիանոսների, այլ փակ տարածքի մասին է»¸-շարունակում է ՀԿ նախագահը:
Նշենք¸ որ ՀՀ բնապահպանական կառույցները այժմ պատրաստվում են առաջիկա 1 ամսվա ընթացքում տեղի ունենալիք դատական պրոցեսին¸ որի ընթացքում Սիլվա Ադամյանի համոզմամբ, հանրությանը շատ բան պարզ կդառնա: