Սլովակ դերասանուհի Զուզանա Ֆիալովան վիրավորվել է Մոսկվայի Դոմոդեդովո օդանավակայանում տեղի ունեցած ահաբեկչության ժամանակ: Ինչպես հայտնում են Սլովակիայի ԶԼՄ-ները, Զ.Ֆիալովային բուժօգնություն են ցույց տվել մոսկովյան հիվանդանոցներից մեկում:
ՌԴ-ում Սլովակիայի դեսպանատանը RBC-ին հաստատել են, որ պայթյունի վայրում իսկապես եղել է Սլովակիայի 3 քաղաքացի, որոնցից մեկը ստացել է վնասվածքներ: Սակայն տուժածի անունը դեսպանատանը չհայտնեցին:
Հիշեցնենք, որ հունվարի 24-ին Դոմոդեդովո օդանավակայանում Մոսկվայի ժամանակով 16:30-ին տեղի է ունեցել պայթյուն: Պայթուցիկը, ըստ ականատեսների, գործողության մեջ է դրել մահապարտ ահաբեկիչը, որը գտնվում էր օդանավակայանի դիմավորողների մեջ:
