Կարմիրը վաղուց է հայտնի որպես սիրո, ռոմանտիկայի, կրքի գույն: Բրիտանացի հետազոտողները պարզել են, թե ինչու են տղամարդիկ նախընտրում կարմիր գույնի հագուստով կանանց: Պատճառն այն է, որ տղամարդիկ կարծում են, որ կարմիր հագուստով կանանց հետ առաջին ժամադրության ժամանակ քնելու շանսերն ավելի մեծ են: Այս մասին գրում է Daily Mail-ը:
Հոգեբաններն ուսումնասիրել են 18-21 տարեկան 120 տղա ուսանողների և պարզել, որ նրանց մեծ մասը կարմիր հագուստով կանանց ընտրում են՝ կարծելով, որ նրանց սեռական ցանկություները մեծ են, քան կանաչ, կապույտ կամ սպիտակ հագուստով կանանց մոտ:
Հետազոտությանը մասնակցած մեկ այլ խմբի տղամարդկանցից պահանջվել է գուշակել կնոջ սեռական ցանկությունները՝ դիտարկելով միայն սովորական վերնաշապիկը:
Journal of Social Psychology ամսագրում հրապարաված տվյալները խոսում են այն մասին, որ հագուստի գույնը մեծ նշանակություն ունի այն գործում, թե ինչպես են տղամարդիկ ընկալում հակառակ սեռի ներկայացուցչին: Հետազոտությամբ պարզվել է նաև, որ տղամարդիկ ավելի հակված են մոտ նստել ու ինտիմ հարցեր քննարկել կարմիր հագուստով կանանց հետ:
Բրիտանացի հոգեբանների կարծիքով՝ տղամարդիկ կարմիրը դիտարկում են որպես կենակցելու հրավերք: Եվ դա պատահական չէ, քանի որ վերարտադրողականության ակտիվ շրջանում, կենդանիների, մասնավորապես կապիկների սեռական օրգանները վառ կարմիր գույն են ստանում:
Պարզվել է նաև, որ կարմիր հագած տղամարդիկ նույն կերպ գրավում են կանանց:
Հոգեբանների կարծիքով՝ կարմիրը ներգործում է տղամարդկանց վրա՝ առանց նրանց կողմից «գիտակցական լարումների»: