«Սիբիր-ավիա» ավիաընկերությունից տեղեկացնում են, որ Դոմոդեդովոյում երեկ տեղի ունեցած ահաբեկչությունը չի անդրադարձել ընկերության գործունեության վրա: Չվացուցակում ոչ մի փոփոխություն չի կատարվել: Երեկ «Սիբիր-ավիայի» ինքնաթիռը Դոմոդեդովո օդանավակայանում վայրէջք է կատարել Մոսկվայի ժամանակով ժամը19.34-ին: Մոսկվա- Երևան թռիչքը գիշերը՝ 00.50-ին, չվացուցակի համաձայն, Դոմոդեդովո օդանավակայանից իրականացվել է ահաբեկչական ակտից ժամեր անց: Այսօր էլ ավիաընկերության չվերթները դեպի Դոմոդեդովո տեղի կունենան` համաձայն ընդունված չվացուցակի:
