Մեծ Բրիտանիան նշում է միապետի ծնունդը: Թագուհի Եղիսաբեթ II-ն այսօր դարձավ 86 տարեկան: Ավանդույթի համաձայն` թագուհու հոբելյանին նվիրված արարողությունների մեծ մասը, այդ թվում` զորահանդեսն, անցկացվում են հունիսին: Ամռանը մեծ շուքով կնշվի նաև թագուհու գահակալման ադամանդե հոբելյանը: Թագուհին գահին է արդեն 60 տարի:
Այսօր առանց տոնակատարությունների չի անցել: Լոնդոնի Hyde Park-ում, թագուհու պատվին ավանդական համազարկ է տրվել, իսկ գիշերը Բուքինգեմյան պալատի շենքի վրա լուսարձակվել են թագուհու դիմապատկերները:
Թագուհին ծնունդը երկու անգամ է նշում: Մեկն այսօր, իսկ մյուսը` հունիսի 16-ին: