Հունաստանի առաջատար բանկերը 2011թ. ընթացքում ռեկորդային վնաս են կրել, հաղորդում է Reuters-ը:
Մասնավորապես, երկրի խոշորագույն բանկը՝ National Bank of Greece-ը, կրել է 12.3 մլրդ եվրոյի վնաս (դրանից 10.75 մլրդ եվրոն՝ հունական պարտքը ներելու արդյունքում): Երկրի մյուս երկու խոշոր բանկերը՝ Alpha Bank-ը և Eurobank-ը, կրել են համապատասխանաբար՝ 3.81 և 5.5 մլրդ եվրո վնաս:
Հիշեցնենք, որ Հունաստանի տնտեսությունը գտնվում է ծանր ճգնաժամի մեջ: 2012թ. մարտին պետական պարտատոմսերի փոխանակման հաջող գործարքից հետ Արժույթի միջազգային հիմնադրամը և Եվրոխումբը հավանություն տվեցին Աթենքին ավելի քան 130 մլն եվրոյի չափով օգնության երկրորդ փաթեթը տրամադրելու գործարքին:
