Մասաչուսեթսի կաթոլիկ քոլեջից ուսանողին հեռացրել են այն բանի համար, որ նա պաշտպանել է նորվեգացի ահաբեկիչ Անդերս Բրեյվիկի գործողությունները:
Ինչպես հաղորդում է Associated Press-ը, բուհի ղեկավարությունը նշել է, որ 23-ամյա Քևին Ֆորթսը «տեսանելի ապագայում» չի կարող երևալ համալսարանական ճամբարի տարածքում: Կթույլատրե՞ն ուսանողին մնալ մինչև քննությունների ավարտը՝ մինչև մայիս, առայժմ պարզ չէ: Քոլեջի ղեկավարությունից նշել են, որ Ֆորթսը՝ որպես ԱՄՆ-ի քաղաքացի, իրավունք ունի արտահայտել սեփական կարծիքը, սակայն նրա գործողությունները «դեռ պետք է ստուգվեն»:
Ապրիլի 18-ին Ֆորթսը հարցարույց էր տվել նորվեգական VGTV հեռուստաալիքին, որում հայտարարել էր, որ ահաբեկչին համարում է «ոչ թե ազգայնական, ինչպես նրան նկարագրում են մամուլում», «այլ ազգայնական և հայրենասեր», ով պայքարում է «մշակութային մարքսիզմի և Նորվեգիայի իսլամացման դեմ»: Ուսանողը նաև նշել էր, որ Բրեյվիկի կողմից սպանված դեռահասներին դիտում է որպես «պարտադրված քաղաքական զոհեր»:
Ֆորթսը նաև հայտարարել էր, որ 2012թ. փետրվարին մի քանի նամակ է գրել Բրեյվիկին՝ իր աջակցությունը հայտնելով նրան և իր օգնությունն առաջարկելով, բայց պատասխան ստացել է դրանցից միայն մեկին:
Հիշեցնենք, 2011թ. հուլիսի 22-ին Օսլոյի կառավարության շենքի մոտ և Ուտոյա կղզում Անդերս Բրեյվիկի իրականացրած կրկնակի ահաբեկչությունների հետևանքով զոհվել է 77 մարդ: Ապրիլի 16-ին սկսվել է Բրեյվիկի դատավարությունը:
