Ճապոնական Puccho կոնֆետների գովազդը, որը եթերում է հայտնվել մարտին, հասցրել է արժանանալ սպառողների նախատինքին: Գովազդային շուկան վերահսկող մարմինը 116 բողոք է ստացել նշված գովազդի առնչությամբ: Հոլովակը լայն քննարկման թեմա է դարձել: Ինչպես փոխանցում է Agence France-Presse-ը, ճապոնացիները կարծում են, որ այն հոմոսեքսուալիզմ է պրոպագանդում:
Գովազդում նկարահանվել են ճապոնական AKB48 խմբի 10 անդամները, մեծամասնությունը՝ դեռահասներ: Նրանք բոլորը դպրոցական համազգեստով են: Գովազդային հոլովակի սյուժեով՝ նրանք բերանից բերան են փոխանցում կոնֆետը:
Կոնֆետներն արտադրող UHA Mikakuto ընկերության ներկայացուցիչը հայտնել է, որ գովազդային հոլովակը, որն այդքան մեծ դժգոհության ալիք է բարձրացրել, տեսագովազդների շարքում 4-րդ տեղն է զբաղեցնում: