Աշխարհի տարբեր անկյուններից բազմաթիվ մարդիկ մեկնել են ԱՄՆ սուլելու մրցույթին մասնակցելու համար:
Ռուսաստանում ընդունված է կարծել, որ սուլելը վատ նշան է, հատկապես տանը: Բազմաթիվ ռուսներ սուլոցին վերագրում են ֆինանսական անհաջողություններ: ԱՄՆ-ի Հյուսիսային Կարոլիանայի Լուիսբուրգ քաղաքում սուլել ցանկացողներին արգելող չկա: Հենց այնտեղ է ամեն տարի ապրիլի վերջին անցկացվում սուլողների մրցույթը:
Երեկ այնտեղ մեկնարկել է 39-րդ մրցութային արարողությունը, որի մասնակցում են ամերիկյան 20 նահանգերի ավելի քան 60 բնակիչներ և աշխարհի 9 երկրներից, այդ թվում՝ Ճապոնիայից և Ավստալիայից ժամանած հյուրեր: Մասնակիցների տարիքային սահմանափակում չկա: Սուլում են թե դպրոցականները, թե 90-ից բարձր տարիքի մարդիկ:
Մասնակիցները իրենց սուլելու ունակությունը կչափեն դասական ոճում, փորձելով վերարտադրել Շտրաուսի, Շուբերտի գործերը, ինչպես նաև սուլելով արտահայտել հայտնի ֆիլմերի սաունդթրեքերը:
Պատմության և հոգեբանության պրոֆեսոր, 85-ամյա Ալեն Դեհարթը, որը հանդիասնում է մրցույթի հիմնադիր-կազմակերպիչը, խոստովանել է, որ ինքը «արվեստի այդ ժանրին» չի տիրապետում:
«Սուլողների մրցույթներ անցկացվում են նաև Ճապոնիայում, Չինաստանում և Հնդկաստանում, սակայն մրցույթի հայրեիքը Լուիսբուրգն է»,- ասել է Դեհարթը:
Հաղթողների անունները հայտնի կդառնան վաղը:
