ԱՄՆ-ի Գերագույն դատարանը որոշել է, որ կտտանքների զոհերին պաշտպանող ամերիկյան օրենքը թույլ չի տալիս հայց ներկայացնել օտարերկրյա կազմակերպությունների դեմ և թույլ է տալիս հետապնդել միայն որոշակի անձանց: Այս մասին հաղորդում է Associated Press գործակալությունը: Որոշումը միաձայն կայացվել է ապրիլի 18-ին: Դատարանը ընդգծել է, որ 1991թ-ի օրենքում ասվում է, որ հնարավոր է հայց ներկայացնել միայն §անձանց¦ նկատմամբ, իսկ դա նշանակում է միայն մարդկանց:
§Սպան, որը սպանելու կամ տանջելու հրաման է տալիս, անձ է հանդիսանում, իսկ կազմակերպությոնը` ոչ¦,- ասել է դատավոր Սոնյա Ստոմայորը:
Այս օրենքը վերանայվել է ԱՄՆ-ի քաղաքացի Ազզամ Ռահիմի գործի շրջանակներում, որի հարազատները դատարան են դիմել Պաղեստինի կառավարության դեմ, այն մեղադրանքով, որ Ռահիմը 1995թ-ին Պաղեստինում ձերբակալվել է, կտտանքների է ենթարկվել և սպանվել է:
