Ամերիկյան փորձագետների գնահատականով, Վրաստանում, Ռուսաստանում և Իրանում 2011-2012 թթ. հնարավոր են սոցիալական խռովություններ: Եվ դրա հավանականությունը շատ մեծ է: Կանզասի և Նյու Յորքի համալսարանների մասնագետները մշակել են մի մոդել, որի միջոցով հնարավոր է դարձել հաշվարկել , թե որ երկրներում են հնարավոր սոցիալական խռովություններ, ինչպես նաև բախումներ էթնիկական հողի վրա: Ուսումնասիրության է ենթարկվել 37 երկիր, և արդյունքում պարզվել է, որ այս առումով առավել վտանգավոր երկրներն են Իրանը, Շրի Լանկան, Ռուսաստանը և Վրաստանը: Ըստ Կանզասի համալսարանի պրոֆեսոր Սեմ Բելի՝ իրենց հաջողվել է կանխատեսել հեղաշրջումը Թունիսում և սոցիալական հուզումներն Իռլանդիայում:
Այս մասին գրում է բելառուսական BELTA գործակալությունը: