ՀՀՊ հարցում համագործակցությունը կարող է որակապես փոխել Ռուսաստանի և ՆԱՏՕ-ի միջև հարաբերությունները՝ ապահովելով վստահության և թափանցիկության բարձր մակարդակ: Այս մասին, ինչպես հաղորդում է ITAR-TASS-ը, հայտարարել է դաշինքի գլխավոր քարտուղար Ադներս Ֆոգ Ռասմուսենը՝ բացելով Ռուսաստան-ՆԱՏՕ խորհրդի արտգործնախարարների մակարդակով հանդիպումը:
«Այս տարի լրանում է Ռուսաստան –ՆԱՏՕ խորհրդի հիմք դրած Հռոմի հռչակագրի ստորագրման 10 տարին, և Ռուսասատան-ՆԱՏՕ հիմնարար դրույթների արձանագրության կնքման 15 տարին: Այս ընթացքում մենք իրական առաջընթաց ենք գրանցել մեր համագործակցութան մեջ»,- ասել է նա:
Ռասմուսենը հատկապես շեշտել է Ռուսաստանի և Հյուսիսատլանտյան դաշինքի արդյունավետ համագործակցությունը Աֆղանստանի հարցում, ներառյալ ՆԱՏՕ-ի ուժերի հաամր ոչ ռազմական բեռների տեղափոխման մասին պայմանագիրը, ռուսական արտադրության ուղղաթիռների սպասարկման համար աֆղան մասնագետների վերապատրաստման կենտրոնի ստեղծումը և այլն:
«Անխոս, մենք բոլոր ուղղություններով չէ, որ փոխհամաձայնության ենք գալիս, բայց մենք բաց ենք Ռուսաստանի հետ ուղիղ և ազնիվ երկխոսության համար»,- ասել է դաշինքի գլխավոր քարտուղարը:
