Ճապոնիայի իշխանությունները ՄԱԿ-ի Անվտանգության խորհրդին կից գործող Հյուսիսային Կորեայի դեմ պատժամիջոցների հարցերով կոմիտեին հյուսիսկորեական ընկերությունների, կազմակերպությունների և անհատների լրացուցիչ ցուցակ է ներկայացրել: Kiyodo գործակալության տվյալներով՝ Ճապոնիան առաջարկում է սահմանափակումներ կիրառել ցուցակում ներկայացված անունների դեմ և ընդլայնել այն ապրանքների ցուցակը, որոնց արտահանումը Հյուսիսային Կորեա կարգելվի:
Նշենք, որ նման առաջարկ արդեն արել է ԱՄՆ-ը: Չինաստանը, սակայն, խանդավառություն չի դրսևորում Հյուսիսային Կորեայի դեմ պատժամիջոցներն ընդլայնելու հարցում:
Հիշեցնենք. չնայած Հյուսիսային Կորեայում հրթիռի արձակումը տապալվեց, ՄԱԿ-ի Անվտանգության խորհուրդը և մի շարք երկրներ խիստ քննադատության են ենթարկել այդ քայլը: