Ինչպես գրում է ադրբեջանական Trend գործակալությունը, Լիտվայի սեյմը մշակում է Լեռնային Ղարաբաղի կարգավորման վերաբերյալ բանաձև:
Այս մասին գործակալությանը հայտնել է Լիտվայի Սեյմի նախագահ Իրենե Դեգուտենյեն:
«Սեյմի մի խումբ պատգամավորներ գրանցել են բանաձի նախագիծ, որում առաջարկ կա հրաժարվել ստատուս քվոն պահպանելուց, որը հաստատվել է ուժի, այլ ոչ թե միջազգային իրավունքի միջոցով, ինչը նպաստում է տարածաշրջանում անկայունության պահպանմանը»,- նշել է սեյմի նախագահը:
Բանաձևում շեշտվում է Եվրամիության դերակատարությունը կարգավորման հարցում, որը կապահովի միջազգային իրավունքի գերակայությունը:
Բանաձևի ընդունումը կախված է նրանից, թե ինչ ջանքեր կգործադրի համաշխարհային հանրությունն այս ուղղությամբ:
Նա օգտակար է համարում նաև հումանիտար ֆորումի ստեղծումը, ինչը թույլ կտա ներգրավել տարբեր դպրոցների, վերլուծական կենտրոնների ներկայացուցիչների: