Ապրիլի 17-ին Միացյալ Թագավորությունում ՀՀ դեսպան Կարինե Ղազինյանը հանդիպել է Լորդերի պալատի խոսնակ բարոնուհի Ֆրանսիս Դ’Սուզանին (Frances D’Souza):Այս մասին «Առաջին լրատվական»-ին հայտնում են ԱԳՆ մամլո գրասենյակից:
Լորդերի Պալատի խոսնակի հետ դեսպան Ղազինյանի առաջին պաշտոնական հանդիպման ընթացքում ՀՀ դեսպանը ներկայացրել է հայ-բրիտանական հարաբերությունների պատմությունը և ներկա փուլը, ինչպես նաև ընդհանուր տեղեկություններ տվել տկն. խոսնակին Հայաստանի, ԼՂ հակամարտության և տարածաշրջանային զարգացումների մասին:
Անդրադառնալով հայ-բրիտանական 20-ամյա հարաբերություններին՝ դեսպան Ղազինյանը նշել է, որ երկու երկրների հարաբերությունների զարգացման մեծ ներուժ կա և հույս հայտնել, որ առաջիկայում կխթանվեն թե՛ քաղաքական երկխոսությունը, և թե՛ երկկողմ տնտեսական հարաբերությունները:
Խոսնակ Դ’Սուզան խոստացել է Լորդերի Պալատի և իր անձնական աջակցությունը հնարավորինս նպաստելու հայ-բրիտանական հարաբերությունների հետագա զարգացմանը:
