Վերլուծաբանները, ովքեր ուսումնասիրում են Հյուսիսային Կորեայի կողմից արձակված հրթիռի ձախողումը, ասում են՝ ըստ երևույթին, Փխենյանը դասեր չի քաղել իր սխալներից, սակայն միևնույն է՝ չի կարողանա ԱՄՆ-ին վախեցնել իր հեռահար հրթիռներով:
Ինչպես հաղորդում է The Associated Press-ը, փորձագետները նաև հայտնել են, որ Հյուսիսային Կորեան կիրակի օրը տեղի ունեցող ռազմական երթի ժամանակ ցուցադրել է մի նոր հրթիռ, ինչը միջազգային նոր լարվածության պատճառ է դարձել:
Հիշեցնենք, որ Հյուսիսային Կորեան իր Unha-3 հրթիռն արձակել էր ուրբաթ օրը և հայտնել, որ այն արբանյակային է, սակայն շատ երկրներ հավատացած էին, որ արձակումն արվել էր հրթիռային փորձարկման համար:
Unha հրթիռների բոլոր արձակումները 1998, 2006, 2009 թվականներին ձախողվել են:
