Սիրիայի առանձին շրջաններում բռնությունը և արյունահեղությունը նախկինի պես շարունակվում են: Այս մասին RIA Novosti-ին հայտնել է Սիրիայի Ներքին հարցերով գործադիր կոմիտեի անդամ Աբդուլազիզ Ալ-Հայերը:
«Այս պահին երկրում շարունակվում է լարված իրավիճակը: Ընդհանուր առմամբ բռնությունը և արյունահեղությունը շարունակվում են, սակայն երկրի ոչ բոլոր շրջաններում»,- ասել է նա:
Խոսելով այն մասին, թե որքան շուտ կարող է արյունահեղությունը վերջնականապես դադարեցվել, նա հույս է հայտնել, որ «այն շուտով կավարտվի»: «Այս պահին տեղի ունեցող փոփոխությունների պատասխանատվությունն ընկած է մեզ վրա: Մենք շատ աշխատանք ունենք կատարելու: Մենք խաղաղություն ենք ցանկանում, ցանկանում ենք, որպեսզի Սիրիան բռնապետական վարչակարգից անցում կատարի ժողովրդավարության»,- ասելէ Ալ-Հայերը:
Ընդ որում, նրա կարծիքով՝ երկրի նախագահ Բաշար Ալ-Ասադի հրաժարականի հարցը բարձրացնելն առայժմ վաղաժամ է- նրա մնալ կամ չմնալու հարցը պետք է որոշի ժողովուրդը:
