ԱՄՆ-ն ու ՆԱՏՕ-ն հրաժարվում են Ռուսաստանին տրամադրել իրավական երաշխիքներ առ այն, որ Եվրոպայում տեղակայվելիք հակահրթիռային պաշտպանության համակարգերը (ՀՀՊ) չեն ուղղվի իր դեմ: Այդ իսկ պատճառով ՌԴ-ն կարող է մոտ ապագայում դիմել ռազմատեխնիկական միջոցառումների: Ինչպես հաղորդում է Interfax գործակալությունը, այս մասին հայտարարել է Ռուսաստանի փոխարտգործնախարար Սերգեյ Ռյաբկովը:
«Եթե մենք այսպիսի պայմանավորվածություններ չգտնենք, ապա ցավոք, երևում է, կարող է հասնել որոշում կայացնելու (Ռուսաստանի) պահը` կոնկրետ ռազմատեխնիկական հակազդեցություն հասցնել ապագա ամերիկյան-նատոյական համակարգին»,- ասել է Ռյաբկովը:
Ընդ որում` նա նկատել է, որ տարաձայնությունների պատճառն իրեն հայտնի չէ:
Ավելի վաղ ՀՀՊ ՆԱՏՕ համակարգերի ստեղծման որոշումը Եվրոպայում կայացվել է 2010թ. նոյեմբերին Լիսաբոնում: Եվրոպական ՀՀՊ ՆԱՏՕ համակարգի հետաքրքրության շրջանակում նախատեսվում է համագործակցել ռադիոտեղորոշիչ կայանի ստեղծման հետ Թուրքիայում, կանխազարկ հրթիռների SM-3 բազայի ստեղծման հետ Ռումինիայում ու Լեհաստանում:
Ռուսաստանն ու ՆԱՏՕ-ն պայմանավորվել էին համագործակցել Եվրո ՀՀՊ-ների նախագծի շուրջ Լիսաբոնի գագաթաժողովի շրջանակում, սակայն բանակցությունները մտան փակուղի ԱՄՆ-ի` իրավական երաշխիքներ չտալու հրաժարման պարագայում:
