Լիբիայի Ազգային անցումային խորհուրդը (ԱԱԽ) կարող է անվստահության քվե ներկայացնել երկրի գործող կառավարությանը Աբդելռահիմ Ալ-Քիբբի գլխավորությամբ: Այս մասին հաղորդում են արաբական ԶԼՄ-ները՝ վկայակոչելով ԱԱԽ անդամ Ֆաթհի Ալ-Բաջայի հայտարարությունը:
«Նախարարների ներկայիս կաբինետի գործողություններից իր դժվոհությունն է հայտնել ԱԱԽ 73 անդամներից 54-ը, և նրանք պատրաստ են քվեարկել Ալ-Քիբբի կառավարության հրաժարականի օգտին»,- ասել է Ալ-Բաջան:
Նրա խոսքերով՝ ԱԱԽ-ն խիստ քննադատում է կառավարությանը «լիբիական բանակի դերակատարության ակտվիացման և երկրում անվտանգության վերականգնման աշխատանքների տապալման» համար:
Ալ-Քիբբն ավելի վաղ հայտարարել էր, որ անվտանգության հարցերով պետք է զբաղվեն Լիբիայի բոլոր մարմինները և ոչ թե միայն կառավարությունը: Լիբիայի վարչապետը կարծում է, որ իրենք արագ քայլեր են ձեռնարկում երկրում անվտանգ մթնոլորտը վերականգնելու ուղղությամբ:
Հիշեցնենք. 2011 թ. փետրվարին Լիբիայում սկսվեց ժողովրդական ապստամբություն, որն ավարտվեց հոկտեմբերի 20-ին ընդդիմադիր ԱԱԽ-ի հաղթանակով, Մուամար Քադաֆիի վարչակարգի տապալմամբ ու նրա սպանությամբ: