Բրազիլիայի Գերագույն դատարանի որոշմամբ՝ աբորտները կթույլատրվեն միայն այն դեպքերում, երբ պտղի մոտ առակա կլինի անենցեֆալիա՝ ուղեղի զարգացման սուր արատ, որի պատճառով ուղեղի մի կիսագունդը և որոշ գանգոսկրեր լիովին բացակայում են: Այս մասին տեղեկացնում է Associated Press-ը:
Անենցեֆալիայի դեպքում մահացությունը 100 տոկոս է: Նման արատ ունեցող պտուղների 50 տոկոսը մահանում են ներարգանդային զարգացման, մյուսները՝ ծնվելուց հաշված ժամեր անց:
Բրազիլիայում, որտեղ ավանդաբար իրենց դիրքով գերիշխում են կաթոլիկ կրոնական կազմակերպությունները, գործում է հղիության արհեստական կասեցման ամենախիստ օրենսդրությունը: Վերը նշված արատից բացի, օրենսդրությունը թույլատրում է պտղի հեռացումն այն դեպքերում, երբ կնոջ կյանքին վտանգ է սպառնում և երբ պտուղը հանդիսանում է բռնության հետևանք:
ԱՄՆ-ում միջինը գրանցվում է անենցեֆալիայի 1 դեպք՝ 10 հազար հղիության հաշվարկով: Բրազիլիայում արատով պտուղների թիվը 10 անգամ ավելի է:
