Ամերիկյան Վերմոնտ նահանգի նահանգապետ Պիտեր Շամլինը փորձել է մերկ ձեռքերով ու ոտքերով քշել սոված արջերին թռչնաբնից: Բարեբախտաբար, նա կարողացել է փախչել ու թաքնվել տանը՝ ազատվելով ձմեռային խորը քնից արթնացած կենդանիների կերակուր դառնալուց:
Ինչպես հաղորդել է նահանգապետի մամլո ծառայությունը, Շամլինը գիշերը աղմուկ է լսել ու պատուհանից նայելով տան հետնաբակում տեսնել է 4 արջի, որոնք փորձել են մետենալ թռչնաբնին: «2 մեծ ու 2 փոքր արջերը հենց նոր են արթնացած եղել ձմեռային քնից ու շատ սոված են եղել: Վերմոնտը կարող էր մնալ առանց նահանգապետի»,- պատմել է 56-ամյա նահանգապետի մամլո քարտուղար Սյուզան Ալենը:
Շամլինը վազել է բակ ու փորձել է նրանց քշել թռչնաբնից, սակայն կենդանիներից մեկը հարձակվել է նրա վրա, ու նահանգապետին մնացել է մի ելք՝ դիմել փախուստի, հաղորդում է ITAR-TASS գործակալությունը: