ՄԱԿ-ի Անվտանգության խորհուրդ ներկայացրած բանաձևի սևագիրը` Սիրիա դիտորդներ ուղարկելու վերաբերյալ, «շոշափում է հանրապետության ազգային ինքնիշխանությունը »: Ինչպես նշում է ITAR-TASS գործակալությունը, այս մասին հայտարարել է Սիրիայի Հանրապետության ԱԳՆ պաշտոնական աղբյուրը:
Դիվանագիտական ներկայացուցչի խոսքով` Արևմուտքը ու մի շարք արաբական երկրներ «փորձում են նախագծում ներառել ձևակերպումներ, որոնք դուրս են ՄԱԿ-ի ու Արաբական պետությունների լիգայի հատուկ ներկայացուցիչ Քոֆի Անանի առաջարկած հարցերի քաղաքական կարգավորման շրջանակից»:
Բեյրութում ՄԱԿ-ի կենտրոնակայան հասած տեղեկության համաձայն`ավարտված է Մերձավոր Արևելք առաքելության կազմի ձևավորումը` բաղկացած առաջնային խմբից ու 30 դիտորդներից:
Փորձառու զինվորական փորձագետները պատրաստ են ուղղաթիռներով Սիրիա մեկնել ԱԽ կողմից բանաձևի ընդունումից ու Դամասկոսի կողմից «կանաչ լույս» ստանալուց անմիջապես հետո:
Հետագայում անզեն մոնիտորինգ իրականացնողների թիվը, որոնք պետք է տեղավորվեն կոնֆլիկտային հատվածներում` կառավարական ուժերի ու զինված ընդդիմադիրների գործողություններին հետևելու նպատակով, կավելանա` հասնելով 250 մարդու:
Դամասկոսը պաշտոնապես հայտարարել է ՄԱԿ-ի առաքելության նկատմամբ հետաքրքրված լինելու փաստով ու հասկացրել է, որ կհամաձայնի ԱԽ-ի որոշմանը: Սակայն ԱՄՆ-ի ու մի շարք արաբական և եվրոպական երկրների կազմած նախագծում տեղ գտած «վերջնագրային ու միակողմանի պահանջները» զգաստացրել են սիրիական կառավարությանը:
ՄԱԿ-ի ԱԽ-ում բանաձևի քվեարկությունը, ըստ ITAR-TASS-ի, նախատեսված է տեղական ժամանակով ժ. 11.00-ին (երևանյան ժամանակով ժ. 19.00-ին):
