ИТАР-ТАСС-ի փոխանցմամբ՝ Կանադայի արտգործնախարար Ջոն Բերդն ամերիկյան Foreign Policy պարբերականին տված հարցազրույցի ժամանակ հայտարարել է, որ ՆԱՏՕ-ն Անկարային կգա օգնության միայն այն դեպքում, եթե սիրիացի զինվորները հատեն Թուրքիայի սահմանը.
«Եթե սիրիական զորքերը հատեն Թուրքիայի սահմանը, ապա միջազգային հանրությունը վճռականորեն կաջակցի Թուրքիային: Կանադան ՆԱՏՕ-ի անդամ է, և եթե սիրիացիները ցանկանան ռազմական օպերացիա անցկացնել ալյանսի անդամ երկրներից մեկի անդամ, ապա մենք խստորեն կարձագանենք դրան:
Ներկայումս ՆԱՏՕ-ի ներսում գոյություն չունի որևէ տարաձայնություն՝ ՆԱՏՕ-ի ուժերով Սիրիայի տարածքում որևէ բուֆերային գոտու ձևավորման վերաբերյալ: Կանադան աջակցում է Սիրիայի ժողովրդին հումանիտար օգնություն ցուցաբերելուն, սակայն դեմ է սիրիական ընդդիմությանը զինելուն»:
Հիշեցնենք, որ Թուրքիայի վարչապետ Ռեջեփ Էրդողանը սիրիական զորքերի կողմից Թուրքիայի տարածքի գնդակոծումից հետո օգնության խնդրանքով դիմել էր ՆԱՏՕ-ին՝ առաջնորդվելով նրա կանոնադրության 5-րդ հոդվածով, որում նշված էր, որ ՆԱՏՕ-ի անդամ երկրներից մեկի դեմ ագրեսիան որակվում է որպես ողջ ՆԱՏՕ-ի դեմ ուղղված ագրեսիա:
