ԱՄՆ նախագահ Բարաք Օբաման և նրա տիկին Միշելը 2011 թվականին աշխատել են մոտ 790 հազար դոլար: Նման տվյալներ պարունակում է նախագահի ընտանիքի հարկային հռչակագիրը, որը հրապարակվել է ապրիլի 13-ին։ Այս մասին հաղորդում է Associated Press-ը:
2010 թվականի հետ համեմատած, երբ նախագահի ընտանիքն աշխատել էր 1.73 միլիոն դոլար, նրանց եկամուտը կրճատվել է ավելի քան կրկնակի:
Հռչակագրի համաձայն՝ Բարաք Օբամայի աշխատավարձը կազմել է իր ընտանիքի եկամտի կեսը: Եկամտի այլ աղբյուր է հանդիսացել նախագահի գրած գրքերի հեղինակային հատկացումները:
Բարաքը և Միշելը մոտ 160 հազար դոլար հարկ են վճարել: Բարեգործության համար ծախսել են ավելի քան 172 հազար դոլար (2010 թվականին այդ նպատակներով նախագահի ընտանիքը ծախսել է 245 հազար դոլար): Օբաման հիմնականում նվիրատվություններ է անում պատերազմի հաշմանդամներին և ռազմական գործողությունների ժամանակ զոհվածների երեխաներին:
