Հարի Օլդմանին և Հարիսոն Ֆորդին դեր են առաջարկել Ռոբերտ Լուկետիչի «Պարանոյա» ֆիլմում: Այս մասին հաղորդվում է Deadline կայքում:
Ֆիլմը ներկայացվում է որպես «կորպորատիվ թրիլլեր»: Այստեղ խոսքը խոշոր հեռահաղորդակցման ընկրությունների մասին է: Թե ինչ կերպարներ են առաջարկել խաղալ Ֆորդին և Օլդմանին, դեռևս տեղեկություն չկա: «Պարանոյա»-ում գլխավոր դերը կխաղա Լիամ Հեմսվորթը:
Այսօրվա դրությամբ վերջին ֆիլմը, որում նկարահանվել է Ֆորդը, Ջոն Ֆավրոյի «Քովբոյներն այլմոլորակայինների դեմ» ֆանտաստիկ մարտաֆիլմն է: Մոտ ապագայում դերասանը պատրաստվում է նկարահանվել Օրսոն Սքոթ Քարդի «Էնդերի խաղը» գրքի էկրանավորման մեջ:
Հարի Օլդմանը վերջերս նկարահանվել է Բեթմենի մասին պատմող երրորդ և եզրափակիչ ֆիլմում: Ֆիլմը կինոսիրողներին կներկայացվի 2012 թվականի հուլիսին:
Ռեժիսոր Ռոբերտ Լուկետիչն աշխատել է «Օրենքով շիկահերը», «Մերկ ճշմարտություն» և «Քիլլերներ» ֆիլմերի վրա:
