Հնդկաստանի ռազմածովային ուժերի կողմից փոխանցված հակասական տեղեկություններ են ստացվել` կապված ռուսական ատոմային «Ներպա» սուզանավի հետ: Հնդկական The Times of India ինտերնետ հրատարակությունն այսօր հայտնել է, որ Վիսակխապատնամ քաղաքում ապրիլի 12-ի գիշերը անհայտ անձինք փորձել էին Novotel հյուրանոցից, որտեղ կանգ էր առել ՌԴ ԶՈՒ փոխծովակալը (մասնակցում էր հնդկական անձնակազմի վերապատրաստմանը), գողանալ սուզանավին վերաբերող գաղտնի փաստաթղթեր:
Հրատարակության տվյալով` այդ օրը Ալեքսանդր Տ. Անունով սպան վերադարձել է իր հյուրանոցային համար գիշերը ժ. 2:30-ի սահմաններում: Նկատելով, որ դռան փականը կոտրված է, ոստիկանություն է կանչել: Ոստիկանությունը պնդում է, որ կարևոր փաստաթղթերը, որոնք ցանկացել են հափշտակել գողերը, եղել են չհրկիզվող պահարանում, և գողերին չի հաջողվել այն կոտրել: Այս մասին հայտնում է ITAR-TASS գործակալությունը:
Վարկածներից մյուսի համաձայն` հանցագործներին հաջողվել է համարից հանել մի քանի փաստաթուղթ:
Взгляд-ը ճշտել է, որ ռուս փոխծովակալ Ալեքսանդր Տ-ն հնդկական Վիզագ քաղաք է ժամանել մարտի 30-ին: Եվս մի քանի ռուս սպաներ են կանգ առել Park, Taj Gateway ու Novotel հյուրանոցներում:
Մինչ այդ, սակայն, ՌԴ Խաղաղօվկիանոսյան նավատորմից հերքել են «Ներպայի» հետ կապված փաստաթղթերի գողության փաստը:
«Ներպա» ատոմային սուզանավը (հնդկական անվանումը Chakra) պաշտոնապես Հնդկաստանին է հանձնվել այս տարվա հունվարի 23-ին:
