Ֆրանսիայի նախկին վարչապետ, սոցիալիստ Պիեր Մորուան հինգշաբթի հոսպիտալացվել է և ենթարկվել ծանր վիրահատության: Այս մասին հայտնում է Point պարբերականը:
Point-ի տեղեկություններով՝ 83-ամյա Մորուան տեղափոխվել է Փարիզից 10 կմ հեռավորության վրա գտնվող Պերսի զինվորական հոսպիտալի թոքային բաժանմունք, որտեղ էլ նույն օրը վիրահատվել է:
Նախկին վարչապետի հոսպիտալացման մասին լուրը հաստատել է Սոցիալիստական կուսակցության պատգամավոր Բեռնար Ռոմանը:
Պիեր Մորուան Ֆրանսիայի կառավարությունը գլխավորել է 1981 թվականի մայիսի 22-ից 1984 թվականի հուլիսի 17-ը՝ սոցիալիստ նախագահ Ֆրանսուա Միտերանի օրոք:
