«Հրապարակ»-ը գրում է, որ վաղը Գյումրիում կայանալու է ադրբեջանական ֆիլմերի փառատոն, որի նկատմամբ ագրեսիվ են տրամադրված քաղաքացիներից շատերը:
«Նրանք հատկապես չարացած են փառատոնի կազմակերպիչ Գեորգի Վանյանի դեմ: Մենք զանգահարեցինք նրան` պարզելու, թե արդյոք այս օրերին նա սպառնալիքներ ստացե՞լ է որևէ մեկից:
«Ինձ զանգահարել են փակ համարից և սպառնացել են ֆիզիկապես ոչնչացնել ինձ, եթե ես անեմ այդ փառատոնը: Այսօր, երեկ և նախորդ օրը ստացել եմ նման զանգեր»,-ասել է Գեորգի Վանյանը:
«Նա պատրաստվում է փառատոնի ավարտից հետո հատուկ մամուլի ասուլիս հրավիրել` բացահայտումներ անելու համար: «Ես շատ կոնկրետ գիտեմ, թե ովքեր են նրանք, որտեղից են գալիս այդ զանգերը, փառատոնից հետո ամեն ինչ կամփոփեմ»,- ասել է Վանյանը: