«Երեկ ՀՀԿ-ն Երևանի կայարանամերձ հրապարակում` Սասունցի Դավթի արձանի մոտ, անցկացրեց նախընտրական իր առաջին հանդիպումը, որին ներկա էր նաև նախագահ Սերժ Սարգսյանը»,- գրում է «Երկիր»-ը և հավելում.
«Մի պապիկ ամեն կերպ փորձում էր ճողոպրել անվտանգության աշխատակիցների արանքով և նախագահին հանձնել իր համեստ նվերը` երեք նկար: Բայց անվտանգության աշխատակիցները ոչ միայն չթողեցին մոտենալ նախագահին, այլ անգամ տարեց մարդու նվերը ձևի համար չփոխանցեցին նախագահին: Հորդորեցին սպասել, թե վերջում կտաս, բայց, իհարկե, վերջում էլ նվերը մնաց պապիկի ձեռքին: Նա տրտնջալով հեռացավ. «Հետո էլ ասում են հավատա, մի նվերի եղածն ինչ էր, չփոխանցեցին»»:
