Ինչպես երեկ արդեն հաղորդել էինք, Ղարաբաղի պաշտպանության բանակի 9-րդ պաշտպանական դիրքերում ծառայողական պարտքը կատարելու ժամանակ ադրբեջանական կողմից արձակված դիմահար կրակոցից վիրավորվել է ավագ լեյտենանտ Հովհաննես Սուքիասյանը: Հիվանդանոց տեղափոխելու ճանապարհին Սուքիասյանը մահացել է:
ՀՀ պաշտպանության նախարարությունն այսօր հայտարարություն էր տարածել, որ հայ-ադրբեջանական շփման գծում տեղի ունեցած փոխհրաձգության հետևանքով զոհվել է զինծառայող Հովիկ Մկրտիչի Սուքիասյանը: ՊՆ-ն նաև հայտնել էր, որ ադրբեջանական կողմն էլ է ունեցել կորուստներ:
Այսօր Ադրբեջանի պաշտպանության նախարարության մամուլի ծառայության ղեկավարի տեղակալ Թեյմուր Աբդուլաևը Trend գործակալությանը տված հարցազրույցում ասել է, որ ադրբեջանական կողմը զոհեր չի ունեցել, վիրավորվել է մեկ սպա` 1986 թ. ծնված Ալի օղլի Սադիգովը: