Daily Mail-ի հաղորդմամբ` «Արսենալ»-ի և «Տոտտենհեմ»-ի ղեկավարությունները հետաքրքրվում են «Լացիո»-ի կիսապաշտպան Էրնանեսի ծառայություններով:
Անգլիական պարբերականը տեղեկացնում է, որ «Լացիո»-ն պատրաստվում է վաճառել ֆուտբոլիստի տրանսֆերն ամառային տրանսֆերային պատուհանի ժամանակ` չնայած վերջինիս` ընթացիկ մրցաշրջանում ցուցադրած հիանալի խաղին:
Ակումբի գլխավոր մարզիչ Էդի Ռեյան բրազիլացուն այլևս չի համարում առանցքային խաղացող և պատրաստ է վաճառել նրա իրավունքները` նոր ֆուտբոլիստների տրանսֆերների ձեռքբերման համար անհրաժեշտ միջոցները վաստակելու նպատակով:
«Տոտտենհեմ»-ը և «Արսենալ»-ը ցանկանում են օգտվել իրենց ընձեռված հնարավորությունից, սակայն ակումբները ստիպված կլինեն բավականին մեծ գումար ծախսել:
Էրնանեսն այժմ գտնվում է հիանալի մարզավիճակում. Ա Սերիայի ընթացիկ առաջնությունում անցկացրած 29 խաղերում նա հեղինակել է 8 գոլ և կատարել է արդյունավետ 3 փոխանցում: Ֆուտբոլիստի տրանսֆերային արժեքը կազմում է 16 մլն ֆունտ:
