Ինչպես հաղորդում է Associated Press գործակալությունը, երեկ ԱՄՆ-ում տեղի է ունեցել մաֆիայի դեմ հերթական մեծածավալ գործողությունը, որի արդյունքում ձերբակալվել է 127 մարդ:
Ինչպես տեղեկացրել է ԱՄՆ գլխավոր դատախազ Էրիկ Հոլդերը, սա ԱՄՆ պատմության մեջ ամենախոշոր միջոցառումներից մեկն էր, որին մասնակցում էր իրավապահ մարմինների 800 աշխատակից: Նա նաև նշել է, որ բոլոր խմբավորումներում ունեցել են իրենց մարդիկ, որոնք մեծապես նպաստել են ձերբակալություններին:
Ձերբակալվածների մեջ են 5 խոշոր խմբավորումների պարագլուխները՝ Գամբինո, Կոլոմբո, Լուիջի Մանոկիո, անուններ, որոնք հիմնականում մաֆիայի մասին ֆիլմերում են հանդիպում: Ձերբակալվածների մեջ է նաև մի նախկին ոստիկան: Ձերբակալվածներին առաջադրվել են տարբեր մեղադրանքներ` սպանություններ, շորթում, թմրանյութերի վաճառք:
