Թուրքիայի վարչապետ Ռեջեփ Թայիփ Էրդողանը, հինգշաբթի օրը ելույթ ունենալով Անկարայում Արդյունաբերողների և գործարարների միության համաժողովին, հայտարարել է, որ իր կողմից ղեկավարվող կառավարությունը չի պատրաստվում սահմանափակել կամ արգելել իր երկրում ալկոհոլի վաճառքը, ինչում նրան մեղադրում է ընդդիմությունը:
Նա նաև ասել է, որ վաճառքի նոր կարգի ընդունումը նպատակ ունի միայն կատարել սահմանադրությամբ ամրագրված նորմերը, որպեսզի հնարավորինս հետ պահի երիտասարդությանը ալկոհոլիզմից:
«Առաջին լրատվականը» տեղեկացրել էր, որ Թուրքիայում մտցվել էին սահմանափակումներ. նշվել են վայրեր, որտեղ արգելված է դրա վաճառքը: Ընդդիմությունը հիմա մեղադրում է իշխանություններին, որ դա կարող է լուրջ ազդեցություն ունենալ զբոսաշրջիկների վրա, որոնք զգալի եկամուտներ են բերում թուրքական բյուջե:
Տարեկան Թուրքիա է այցելում ավելի քան 30 մլն զբոսաշրջիկ: