Ոստիկանությունը հայտնել է, որ խանդոտ ամուսինը, ով հայտնաբերել է, որ մի տղամարդ Facebook սոցիալական ցանցի իր կնոջ էջում ֆլիրտային մեկնաբանություն է տեղադրել, այնքան է ծեծել այդ տղամարդուն, մինչև վերջինս մահացել է:
Daily Mail-ը հաղորդում է, որ Թայվանում ապրող Չու Յու-Հուանգը հավատցած է եղել, որ տղամարդը ոչ միայն սիրահետել է իր կնոջը, այլ նաև ցանկացել է նրա հետ հարաբերություններ սկսել: Այս ամենի պատճառը եղել է Facebook սոցիալական ցանցում տեղադրված մեկնաբանությունը:
Կինն, ըստ երևույթին, գրել է, որ ցանկանում է գնալ ճաշելու և հարցրել է, թե «ով իրեն կհրավիրի», իսկ Չուանգ Շիհ Չանգը գրել է. «Ես արդեն քո տան ճանապարհին եմ»: Երբ Յու-Հուանգը տեսել է այս մեկնաբանությունը, խանդը «խփել է գլխին», ու նա որոշել է այս հարցը լուծել: Նա կապ է հաստատել Չուանգ Շիհ Շանգի հետ և հանդիպում նշանակել: Հանդիպման ժամանակ այնքան է ծեծել նրան, մինչև վերջինս մահացել է:
