Իտալական ինտերնետ-խանութ Nstore.it-ը սկսել է 41 մեգապիքսել տեսախցիկով Nokia 808 PureView սմարթֆոնի նախնական պատվերների ընդունումը։ Այս մասին հաղորդում է Androsym-ը:
Nstore.it-ի կայքում նշված է, որ հեռախոսի գինը կազմում է 599 եվրո, որից 99 եվրոն գնորդը պետք է նախապես վճարի, իսկ մնացած 500–ը կարող է վճարել սմարթֆոնը ձեռք բերելիս: Որպես մատակարարման սկիզբ նշված է մայիսը:
Nokia 808 PureView սմարթֆոնը փետրվարին ներկայացվել է Mobile World Congress ցուցահանդեսում: Այն ունի 41 մեգապիքսելանոց տեսախցիկ: Ընդ որում՝ օգտատերը կարող նկարել կա՛մ 8 մեգապիքսելով, կա՛մ 38:
Nokia 808 PureView-ն աշխատում է Symbian Belle-ի կառավարմամբ: Հեռախոսը օգտագործում է 1.3 GHz պրոցեսոր և ունի 512 ՄԲ օպերատիվ ու 16 ԳԲ ներքին հիշողություն: Էկրանի անկյունագիծը 4 դյույմ է:
Պաշտոնական տվյալներով՝ Nokia-ն թողարկման է պատրաստում ևս մեկ «կամերոֆոն»՝ PureView-ի շարքից, սակայն արդեն Windows Phone-ի կառավարմամբ: Ապրիլի սկզբին ցանցում հայտնվել են այդ սարքի նկարները:
